Nid yw prosiect Fferm Wynt ar y Môr Awel y Môr mewn sefyllfa eto i wneud unrhyw benderfyniadau neu ymrwymiadau ynghylch graddfa neu faint y pecyn budd cymunedol.

Wrth i ni ddatblygu ein cynlluniau, byddwn ni hefyd yn ystyried yn ofalus y canllaw ar Gronfeydd Cymunedol ar gyfer Seilwaith Trawsyrru a gyhoeddwyd yn ddiweddar gan Adran Diogelwch Ynni a Sero Net Llywodraeth y DU.

Fel arfer, mae cymorth cymunedol yn dod ar gael pan mae’r prosiectau eu hunain yn dod yn gwbl weithredol. Ni fydd yr amserlen derfynol yn Awel y Môr yn cael ei phennu nes bod gennym fwy o fanylion am sut olwg fydd ar y cymorth cymunedol a sut bydd yn gweithio, fodd bynnag, rydyn ni’n disgwyl iddo gael ei gyflwyno’n bennaf ar ôl i’r prosiect ei hun ddod yn gwbl weithredol.

Mae canllaw Adran Diogelwch Ynni a Sero Net llywodraeth y DU ar Gronfeydd Cymunedol ar gyfer Seilwaith Trawsyrru yn debygol o alluogi rhywfaint o gymorth yn ystod y cam adeiladu.

Fel prosiect newydd, rydyn ni’n manteisio ar y cyfle i ehangu ein gorwelion ac ystyried a allwn ni gefnogi’r gymuned leol mewn ffordd wahanol. Ar y cam cynnar hwn nid oes unrhyw benderfyniadau wedi’u gwneud ynghylch sut y gallai’r prosiect gynnig cefnogaeth yn – neu i’r – ardal leol, felly rydyn ni’n gwbl agored i ystyried syniadau newydd ac arloesol yn ogystal â dulliau mwy cyfarwydd.

Bydd Fferm Wynt ar y Môr Awel y Môr wedi’i lleoli i’r gorllewin o fferm wynt bresennol Gwynt y Môr, gyda cheblau tanddaearol y prosiect yn cyrraedd y tir rhwng Prestatyn a’r Rhyl, ar eu ffordd i is-orsaf y Grid Cenedlaethol ym Modelwyddan.

I’r rhai sy’n chwilio am gymorth, cysylltwch â Chymorth Gwirfoddol Cymunedol Conwy

Dechreuodd yr ymgynghoriad dau gam gyda sgyrsiau strwythuredig ansoddol gyda rhanddeiliaid lleol, ac yna arolwg ar-lein lle rhoddodd mwy na 400 o bobl leol adborth.

Y prif flaenoriaethau a nodwyd gan y gymuned fel rhan o’r ymgynghoriad budd cymunedol hwn oedd: Cymuned Leol; Amgylchedd Naturiol; Hyfforddiant a Chyflogaeth; a Newid Hinsawdd.

Roedd mwyafrif yr ymatebwyr hefyd yn cytuno’n gryf y dylai unrhyw becyn buddion gael ei arwain gan bobl leol a chael ei weithredu’n strategol ledled gogledd Cymru drwy ystyried y cymorth arall sydd ar gael gan brosiectau ynni adnewyddadwy, yn ogystal â chynnwys pobl ifanc yn benodol wrth wneud penderfyniadau.

I ddilyn ein hymgynghoriad cam cynnar, rydyn ni wedi cynnal deialog barhaus gydag amrywiaeth o randdeiliaid ac unigolion ar sut y gall Awel y Môr gefnogi’r gymuned leol, drwy gydol datblygiad y fferm wynt. Byddem yn croesawu rhagor o sylwadau ac awgrymiadau.